*.......::Lafzon ki Beet Bazi "Part2"::........*

[Zeeshanef]

یہ مقامِ عشق ہے کون سا، یہ ہیں کیسی صبر کی منزلیں
نہ تڑپ ہے دل میں نہ درد ہے، نہ سکون ہے نہ قرار ہے
سراج لکھنوی

اگلا لفظ: انتہا

[shakeel orakzai]

ہجر کی بد دعا نہ ہو جانا
دیکھ لینا،سزا نہ ہو جانا

موڑ تو بے شُمار آئیں گے
تھک نہ جانا،جُدا نہ ہو جانا

عشق کی انتہا نہیں ہوتی
عشق کی انتہا نہ ہو جانا

اگلا لفظ : برہم

[Zeeshanef]

میں نے فانی ڈوبتی دیکھی ہے نبضِ کائنات
جب مزاجِ یار کچھ برہم نظر آیا مجھے
فانی بدایونی

اگلا لفظ: دشوار

[Hyderabadi]

بس کہ دشوار ہے ہر کام کا آسان ہونا
آدمی کو بھی میسر نہیں انسان ہونا


اگلا لفظ
کام

[shakeel orakzai]

اگر پوچھا کہ مجھ سے کام کیا ہے، کیا کہوں گا میں
کہا اس کام کا انجام کیا ہے، کیا کہوں گا میں
مجھے پہچاننے سے اُس نے گر انکار کر ڈالا
اگر پوچھا کہ تیرا نام کیا ہے، کیا کہوں گا میں
عدیمؔ
اگلا لفظ : پیام

[Areej]

ہم کو نہ دے پیام رہائی،ہوائے صبح
وجہ خروش خانہ زنجیر ہم نہ تھے

ہر دور بے صدا میں ہر ایک ظلم کے خلاف
ہم کو ہی بولنا تھا کہ تصویر ہم نہ تھے


محسن نقوی

اگلا لفظ ۔۔۔۔۔ زنجیر

[Zeeshanef]

زندگی جبر ہے اور جبر کے آثار نہیں
ہاے اِس قید کو زنجیر بھی درکار نہیں
فانی بدایونی

اگلا لفظ ہے: جبر

[shakeel orakzai]

خطا کسی کی ہو لیکن سزا کسی کو ملے
یہ بات جبر نے چوڑی ہے ہر صدی کے لیے

اگلا لفظ : رخسار

[Areej]

اس قدر پیار سے اے جانِ جہاں رکھا ہے
دل کے رخسار پہ اس وقت تیری یاد نے ہاتھ
یوں گمان ہوتا ہے گرچہ ہے ابھی صبح فراق
ڈھل گیا ہجر کا دن آ بھی گئی وصل لی رات

فیض احمد فیض

اگلا لفظ ہے ۔۔۔۔۔ ہجر

[Zeeshanef]

چھوٹ جائیں ہم عذابِ ہجر سے
اب تو ایسی کوئی صورت کیجیے
مفت میں مر جائیں گے بیمارِ ہجر
دیکھیے، اِتنی نہ غفلت کیجیے
تعشق لکھنوی

اگلا لفظ: آثار

[shakeel orakzai]

ہر مرحلہ شوق سے لہرا کے گزر جا
آثار تلاطم ہوں تو بل کھا کے گزر جا

بہکی ہوئی مخمور گھٹاؤں کی صدا سن
فردوس کی تدبیر کو بہلا کے گزر جا
اگلا لفظ : تعبیر

[Areej]

میں نے دیکھا ہے بہاروں میں چمن کو جلتے
ہے کوئی خواب کی تعبیر بتانے والا

احمد فراز
نیا لفظ ہے ۔۔۔۔۔۔۔چمن

[Zeeshanef]

وہ جو شاخ شاخ پہ پھول تھے ہے کسے خبر کہ گئے کدھر
یہ تو باغ باں کو ہی ہے خبر کہ چمن میں کیسے دھواں اُٹھا
گلنار آفریں
اگلا لفظ: رسم

[Areej]

عجب ہیں رسمِ گاہِ زندگی کے یہ انداز
اُسی نے وار کیا جس نے بےسپر جانا

ہمارے دم سے ہی آوارگیِ شب تھی
ہمیں عجیب لگے اب شام ہی سے گھر جانا

عالمتاب تشنہ

نیا لفظ ہے ۔۔۔۔۔۔۔۔ انداز

[Zeeshanef]

مجھے شادابی صحنِ چمن سے خوف آتا ہے
یہی انداز تھے جب لُٹ گئی تھی زندگی اپنی
ظہیر کاشمیری

اگلا لفظ: قرار

[shakeel orakzai]

شرطیں ایک دوسرے کی منظور تھی یوں تو
پر مسودہ ہمارا کبھی قرار تک نہیں پہنچا

اگلا لفظ : سلسلہ

[Areej]

اڑا دوں سبز پتوں میں چھپی خواہش کی سب چڑیاں
کبھی دل کے شجر کو زور سے جھنجھوڑ کر دیکھوں

عدم تکمیل کے دکھ سے بچا لوں اپنی سوچوں کو
جہاں سے سلسلہ ٹوٹے وہیں سے جوڑ کر دیکھوں


عدم

نیا لفظ ہے۔۔۔۔شجر

[shakeel orakzai]

خبر ہوتی اگر یہ جال ہے قسمت کی سازش کا

لکیریں اپنے ہاتھوں کی میں اسی لمحے مٹا دیتا

شجر ہوتا تو تیرا نام پتوں پر لکھ لکھ کر

تمہارے شہر کی جانب ہواؤں میں اُڑا دیتا

اگلا لفظ : بھنور

[shahzadafzal]

بھنور کی گود میں جیسے کنارہ ساتھ رہتا ہے
کچھ ایسے ہی تمہارا اور ہمارا ساتھ رہتا ہے
محبت ہو کہ نفرت ہو اسی سے مشورہ ہوگا
مری ہر کیفیت میں استخارہ ساتھ رہتا ہے

اگلا لفظ : گود

[shakeel orakzai]

تمہاری راہ میں آنکھیں بچھا رہے تھے کبھی
جو آج راہ بدلتے ہیں کچھ خبر ہے تمہیں

بلندیوں پے نا ڈھونڈو کے جوہر نایاب
زمین کی گود میں پلتے ہیں کچھ خبر ہے تمہیں

اگلا لفظ : آفتاب