Article 1 (sofware engineering)

Discussion in 'General Discussion' started by naumanqayyum_46, Oct 20, 2003.

  1. naumanqayyum_46

    naumanqayyum_46 New Member

    Assalam-o-Alikum Dosto

    Umeed karta hoon kay app sab loog theek thaak hoon gain

    sab saay pehlay aik hansi kee baat karoon ga ... bura maat maniya ga :D:D

    agar app samjhtay hain app Bar-baad hona chahtay hain aur apnay app ko Psycho kahalwa (called as) chahtay hain
    tu hee iss discussions main hissa lee jiya ga.. warna app kee baar-baadi main mera koi hadth na hoo ga.

    Dosto! main jo (Series of Tutorials) add karnay ja raha hoon wo computer kee bohat see technologies kaay
    mozo (Topics) per hoon geen kay ya sara chakkar chal kaisa raha hai .. kya hai ya software kee game

    kaisay Software Engineering kee jati hai
    kaisay Software Architecture banaya jata hai
    kaisay Teams banaye jati hain
    kaisay Teams main kaam kiya jata hai


    kaisay kahan saay ya programming languages aur kaun banata hai ya.. kya hai ya sari backwass

    kya techniques/principles hain jiss ko follow kar kay aik project ko kaamyab banaya ja sakta hai

    Dosto! abhi tak jitnay bhi forum read kiya hain main nay uss main har banda yahi seekhna chahta hai
    kay mujhay computer languagues (C, Java, PHP, Perl, Delphi, PowerBuilder) seekha doo buss, aik dafa wo
    aa jaye tu sab kuch kar loon ga aram saay program likh loon ga aram saay website bana loon ga..
    hacker ban jaoon ga ya kar doon ga wo kar doon ga...

    kya waja hai DOSTO kay hum angraizon kay ghulam hain .. aur sab kuch unn ka seekhtay hain aur unn kee
    language kay Complex main purray rehtay hain

    Wajuhaat (reasons) Kya

    1- hamari apni Language itni powerful nahi hai (kay hum kuch uss main bana sakain)

    2- Hum soochtay apni zaban main hain aur laikin logon ko impress karnay kay liya sab kuch ENGLISH main karna
    chahtay hain .. uss kee kya waja


    3- Goron ko kaam hamesha Organize hota hai , properly documented hota hai aur sab saay baday Issues jiss
    per main baar baar Zorr doon ga wo hai


    Creativity aur QUALITY

    dosto kahnay ko tu ya doo chotay sas lafz hain laikin apnay ander bohat kuch chupaye hua hain .. main bhi
    kaam karta hooon , app bhi kaam kartay hain ... hamaray pooray Mulk main saray kaam kartay hain
    laikin OUTPUT kya hia harami .. NULL

    0 Quality Ouput hai hamari

    kion hamesha, Microsoft(American Company) kay products kee kya baat hai --> QUality
    kion hamesha, IBM(American Company) kay products per ait-maad kiya jata hai --> QUality
    kion Sony jee Sony hee hai --> QUality
    Kion jee Mobile hona chahiya tu Nokia (Finland Company) ka jee--> Quality
    kion jee buss agar Chemicals kee companies agar dunya main hai tu German Companies hee hain--> Quality
    kion jee agar Bank hai dunya main tu Swiss Bank.. ballay jee ballay kya System hai, pata hee nahi
    lagg sakta kay kiss kee kitni underground money purri hui hai ...

    sab saay pehla issue ya sab logon nay agar kuch kiya hai tu apni mother language (maadari-zaban) main kiya hia

    aur agar kuch banaya hai tu uss ka Major issue tha ...... Quality product...kay wah wah honi chahiya hai...
    dunya aur insaaniyat (humanity) ko kuch NEW diya hai

    abb dosto mera app saay ya aik Sawal hai jiss ka main app saay apni ugli disucssion main answer chahta hoon
    main Data ikatha kar raha hoon, jiss saay pata lagg sakay kay pakistan kay kitnay logon ko awareness hai

    kay wo kya kar rahay hain , aur kya karna chahiya tha.....

    kya aisee koi pakistani company hai jiss ka dunya main koi naam hai.... meray khayal saay tu koi nahi

    agar nahi tu KION ?? kion hum peechay hain
    kya hum loog mahenti nahi
    ya hum logon main AQAL nahi
    ya kaun see aisee wajuhaat (reasons) hain jo hum peechay hain

    abb khudd soochain , jo loog ya kahtay hain kay Java, Vb , PHP, Python seekha doo yaar, buss hoo gaya sara kaam
    tu app ka kya khayal hai ya jo dunya kee badi companies (Giants) hain ya sirf Java, ya VB aa janay saay
    itnay baday hoo gayy hain ......heheheheheh.. NAHI

    in kay pass Techniques hain .. just TECHNIQUES

    dosto ! kissi Azeem Admi ka Kaul hai (Quotation) kay

    zaban seekhna aisa hee hai , kay jaisay sahra (desert) main paani dhoondna (search) karna, hamesha
    har Mirage (sahraye dhoka) per lagta hai kay paani mil gaya, laikin wo haqeet main paani nahi hota.. har naya
    word seekhna per lagta hai kay abb language aa gayee, abb main expert hoo gaya , laikin haqeet main bohat
    kuch bacha hota hai

    app ka kya khayal hai kay kal ko abb VB.Net (microsoft's New Package)(which comprise of C# called as
    C-sharp totally Platform independant language )
    in competition with Java.. kya microsoft ka last package hoo ga
    buss ya kar liya tu sab kuch aa gaya nahi Dosto ya Business hai in logon nay (Big Giants) nay apnay
    app ko market main rakhnay kay liya kal ko aik aur package ya Language nikaal dani hai hum pakistanion nay
    phir seekhnay lagg jani aur lagay rehnay hai Ghadon kee tarhan

    kahnay ka Muqsad ya hai kay kab hum apna kuch nikalain gain, kab hum main Creativity aaye gee, kab harama bhi
    apna kuch hoo ga, kab main kahoon ka ya ya Company pakistan kee hai aur sab kuch Urdu main, kay main GHULAM nahi
    hoon kissi ka ... Akhir kab

    Dosto main yahan per politics start nahi karna chahta hoon .. laikin ya batain hamesha Dard karti hain
    anways, jo discussion hum yahan per karain gain . wo Computer technologies.. Dunya kay Big Giants (companies)
    per hoo gee kay kaisay wo ya sab kuch kaisay kartay hain

    inshallah hum Step-By-Step har cheeze per discussion karain gain ta kay har cheeze khull kar saamnay aa sakay
    aur rahi baat dosto aik 100% successful Project ..recent Research kay according app ko bata ta chaloon kay
    Coding ka kinta hadth hota hai tu wo hota hai just 17% .. busss

    abb khudd soochain app aik language seekh laita hain tu kaam sirf 17% hua hai baqi ka 83% kaun karay ga

    kaisay pata lagay ga kay kaisay karna hai
    kaisay aik product banna hai
    kaisay Quality kay issues per Zorr daina hai
    kaisay apnay ander creative thinking laani hai

    Dosto! meray ya Topics aur discussion koi 2 months saay zayyda chalain gain , agar app ko nahi lagta kay
    kya main rozz Internet saay connect karoon aur iss kee backwass sunon, tu fiqar kee phir bhi koi zaroorat nahi
    main ya saray Notes aur discussions aik CD main write bhi karoon ga... properly data ko organize kar raha hoon
    (which is still under construction) uss kay baad main apna Server bhi bana raha hoon aur apnay sab kuch kar
    raha jahan saay app jab marzi chahain information DOWNLOAD kar sakain gain .hamari ya sari discussions ko main
    AUdio aur Video main bhi convet kar raha hoon ta kay agar app ko purhna (reading) acha nahi lagta aur sunna
    pasand hai , jaisay aram saay baith kar T.V dekhna acha lagta hia har aik ko, tu uss kay liya main ya sari
    discussions AUdio main bhi arrange kar raha hoon jo app aram saay kissi bhi waqt sun saktay hain aur hamari
    iss dicussion main apnay izhar-e-khayal kar sakty hain. laikin dosto meri ya Dilli khuwahish hai kay app plz
    ayyain aur discussions per apnay Izhar-e-khayal karain

    ta kay mujhay pata lagg sakay kay main jo information daay raha hoon uss ka koi faida bhi hai kay nahi ...
    app ka bohat bohat shukariya Dosto

    main jin topics main baat karoon ga uss kee List kuch aisay hai

    Software engineering kya hoti hai , kya hai ya sara Software ka chakkar
    Architecture, software architecture kya hota hai , kion zaroorat atti hain humain iss kee
    Teams (kion mujhay app kee doosray dimagh kee zaroorat purti hai,kion app kissi dosray saay poochtay hain)
    kya hardware, software, computer programming languages lagti hain , jin kee madad saay hum aik project ko
    successful bana saktay hain

    kya techniques hain ? aur bhi bohat bohat kuch

    iss kay ilawa hum chotay chotay topics, jaisay hardware/software related problems, internet, programming
    languages operating systems, Tips and Tricks, softwares, websites aur bhi bohat kuch per saath saath discussions bhi jari rakhain gain.


    kuch General knowledge jaisay Science, History of the world, Hindi Movies (BollyWood Movies kee discussions) Microsoft kay products, dunya main kya chal raha hai aur hum kahan per hai .. inshallah in topics per discussions bhi saath saath jari rahian geen


    Dosto! main ya tutorials aisay bhi likhon ga aur properly "PDF" main bhi convert(Typed in Inpage2004) kar kay attach karoon ga ta kay app loog aram saay DOWNLOAD kar kay jab marzi iss ko read kar sakain aur aram saay kissi bhi CD- per write kar sakain aur sari DISCUSSIOn aur information ko properly aur bohat hee organizedway main save bhi kar sakain ...ta kay jab kabhi app apnay Research work start karain tu app kay pass hamesha app ka Data hoo , jiss saay app apnay app ko prove kar sakain.

    Kion kay Dosto meri Urdu kee typing bohat bohat slow hai, aur bohat time lagta hai iss liya main ya sari discussions ko save kar kay INSHALLAH bohat jaldi attach karta jaoon ga, waqt kay saath saath.



    Umeed karta hoon kay app sab loogon ko meri search pasand aye gee

    aur main aur app bohat bohat kuch seekhain gain.

    miltay hain dosto , break kay baad

    ALLAH hafi z
     
  2. pakistani

    pakistani New Member

    Nauman bhai bohat khoob !
    aap ki agli post ka intizaar rahega !
     
  3. naumanqayyum_46

    naumanqayyum_46 New Member

    shukariya

    shukariya Pakistani BHAI
    mujhay pata tu lagay kay logon ko pasand bhi aa raha hai kay nahi

    app kee hosla-afzayee ka bohat bohat bohat shukariya

    inshallah bohat bohat knowledge hai jo hum sab logon ko seekhna hai aur discuss karna hai

    miltay hain break kay baad
    ALLAH hafi z
     
  4. waqaxi

    waqaxi New Member

    Nice

    VeRy GoOd AnD KeEp It Up! :D
     
  5. masterleous

    masterleous New Member

    AOA,
    App ka topic to buhat acha hay, lekin app ki pose itni bari hay kay parhna mushkil horaha hay, jiss say ak baat zehaan mein aati hay kay app DUNYA kay FARIG tareen INSAAN to nahin?..................
     
    Last edited: Jan 24, 2004
  6. geoasad1

    geoasad1 New Member

    numan bohat acha analysis kia hay plz keep it up thanx and ALLAHHAFIZ.
     
  7. umair_hakeem

    umair_hakeem New Member

    asalam-o-alaikum every1!!!
    thanx for sharing so much!!!
    waqai app ki knowledge ki to daad deni parey gi!!!
     
  8. Shahan khan

    Shahan khan New Member

    plz mjhay sofware banana sekha dien,
     

Share This Page