Jadoo Tona ya Shubda Bazi....!!

Discussion in 'Gupshup' started by zindgee, Aug 17, 2004.

  1. zindgee

    zindgee Well-Known Member

  2. zindgee

    zindgee Well-Known Member

  3. zindgee

    zindgee Well-Known Member

  4. zindgee

    zindgee Well-Known Member

  5. me here

    me here New Member

    w.salam zindgee bhai!!!
    ap ne buhat ahm topic per thread start kia hai,ye waqai ik buhat bara masla hai jo k aj kal buhat aam hai.....ALLAH un logon ko taufeq de jo jado waghara kerte hain.....:(
    & mere khiyal main is ki bari waja HIWAS ka hona hai jo aurton main common hoti hai & kam aqli k bais wo is tarah ki harkaton per a jati hain!!!!:eek:
     
  6. yasminfarrukhzaad

    yasminfarrukhzaad New Member

    Bhai aapne,ek bahut bade masle ke taraf dhyan dilaya hai,
    ye ek aisa masla hai jo humare iman ko nuqsan pahunchane men sabse age hai ...
    asal men ye namnihad amil hazrat sceince ke kuch karnamon ko apne shobide ke taur per istemal karte hain aur bholi bhali awam ko ullu banate hain ...
    aap ek sada kaghaz per sokhe hue sabun se koi bhi shakal bana den ...wo shakal kaghaz per nazar nahin ayegi lekin agar us kaghaz ko pani men duboenge to wo shakal samne ajayegi
    isee tarah agar aap pyaz ke arq se kisee kaghaz per koi ibarat likhen wo dikhayi nahin degi ...lekin jab use charagh ki lau se garam karenge to wo ibarat samne aajayegi ...
    isee tarah ...kisee jagah per panee daalke aag lagana ... ya rumal men aag lagjane per bhi uska na jalna ...machis ki khali dibbi ko hila kar awaz paida karna ....chat se sikka chipkana ...ye sare sceince ke karishme hain jinhe koi bhi talibeilm sani se samjh sakta hai ...
    aapne un bacchon ke bare men batay jinhen drama dekhaya tha baba ji ne ...
    ye bhi ek tarah ka ilm hai .......isee ka doosree shakal tellypathy hai ismen aapko ek insann ki hawas per is tarah ghalib aana hota hai ki wo aapki baat manne per majboor hojata hai ....
    aapne dekha hoga ki jab hum kisee chiz ke bare men zyada sochte hin to kiya hota hai? humaree ankhon ke samne wo chiz ghoomne lagtee hai aur rat ko sote hue hamre un khyalon ko bhi khuab men le aati hai jo hum uswaqt nahin soch rahe hote ...jab bab ne bacchon se kaha ki kaun sa drama dekhna hai to bacche apne psnddeda darame ke bare men sochne lage ...aur unhe aisa mahsoos hua ki wo drama dekh rahe hai aap khud ye kisee bacche se poochiye phir dekhiye aap khud baba se kam nahin hai..

    2-3 sall pahle yahan doordarshan per ek drama ata tha lekin wo sach thausmen aisee hi wardaton ke bare men aur unke sceintific wujoohat ke bare men bataya jata tha ....wo waqeyi ek ankhen khol dene wala drama tha ki hum kis trah shubhat men pad kar apnee zindagi kharab karte hin ...

    waise jadoo hota hai is men to kisee ko koi shak nahin ...lekin roohon ko bulana unse baten karna ya phir jinon ke zariye kisee ko qaboo men karna aur bahut se dawe jo log karte hain srasar ghalat aur jhooth per mabnee hain ...
    rooh hoti hai lekin bhatakti nahin hai ...
    han jin hote hai aur quranohadeess se sabit hai ki jinon men bhi acche aur bure log hote hain ...
    ye hosakta hai ki kuch shararatee jin aapke yaqeen ko kharab karne aur islamee taleemat se dor karne aur humare iman ko mutzalzal karne ke liye humare dil men waham paid karen aur kuch aise karishme dikhyen jisse humra iman kamzor hojaye ....lekin jin bhi humen aisa koi nafa ya nuqsan nahin pahuncha sakte jiskadawa kiya jata hai

    aur rahi humaree gumrahee ki bat to sirf anpedh log hi nahin bahut se taleemyafta log bhi isper yaqeen rakhte hain aur dalail dete hain aur example pesh karte hain ..

    aapne dekha hoga ki mazaron per kis tarah jin utarne ka kam kiya jata hai ...humare yahan Budayuon men do buzurg shakhsiyat ke mazar hain j bade mashhoor hai ...chote sarkar aur bade sarkar ....yahan baqayeda adalat lagtee hai aur jinon ko phansee hoti hai ...dr .sahab ki bhi qabr hai munshee peshkar wakeel ,tahreer likhne wale ,banno bua .banke miya aur pata nahin kiya allam ghallam ....aap wahan agar logon ki bhid dekhlen to ghash kha jayen ..
    is lanat se badayon aur ussse sata hua zila baraily buree tarah mutassir hai ..
    budayon men to har gali men apko ek mazar milega .....
    ye shahar jitna kisee zamane men apne ulama ke liye mashhor tha utna hi ab mazaron ke liye hai ...aur wahan din muqarrar hai ki ye jumerat ki zyarat hai ,ye budh ki ye hafte ki ye jume ki ....aur log hazaron ki tedad men wahan jate hain ...
    aur har jagah yahi karobar hota hai ...
     
  7. zindgee

    zindgee Well-Known Member

  8. shy

    shy New Member

    bohat dilchasp topic start kia he ap ne zindagi,me bhi is bare me kuch kehna chaun gi kiun ke me ne kuch chezen apne ankhon se dekhi hen jin per yakin na karte hue bhi yakin karna parta he.ham lahore me apne kuch relatives ke han the jab sab aik "Qari Sahab" ke pas jane ka programe bana rahe the me ne bhi sath chalne me dichaspi ka izhar kia kiun ke me in baton ko jhut fruad samjhti hun.wo qari sb jadu nikalte hen or us maqsad ke lea jis ka jadu nikalna ho us shaks ki kam az kam 4 din pehni hui shirt ya koi kapra jo us person ke jism per 3/4 din raha ho wo mangwate hen.kher jab ham wahan pohanche to me ne dekha ke aik ghar he jis ke aik hise ko madrasa banaya gia he,bohat log wahan tawiz waghera ke lea bhi bethe hen.ham sab bhi jab un ke kamre me gae to unhon ne sab se bari bari masail puche or bari bari sab ki shirts le ker jhari to kuch na kuch nikla yani tawiz waghera.me sab se piche beth ker poori ankhen khol ker 100% shak ki nazer se ye sab dekh rahi thi achanak unhon ne mujh se pucha ap ka kia masla he,me garbara gai or kuch samjh nahi aya to keh dia ke mere ser me aj kal bohat dard rehta he.unhon ne meri bhi shirt mangi(jo me sab ke kehne per sath lai thi)or mere samne khali hathon se use zor se jhara.mera apne bare me ye khaial he ke chunke me apne family me aik khasi bezarer si person hun to mera to koi bhi dushman nahi ho sakta is lea mujh per koi jadu kiun karwae ga lekin bohat herat angez tor per kale kapre me lipti hui aik potli si mere samne aa giri.me khasi dar gai.unhon ne kaha ise kholen.me ne hath lagane se inkar kar dia to meri cousin ne use khola,us me se murghi ki sookhi hui khopri jo dhagon me lipti hui thi nikali.mujhe to mare khof ke jhur jhuri a gai ke ye kia he?ab mujhe to kuch samjh nahi ai ke ye sab kese hua ho ga?wo sahab hafiz-e-quran hen.aik madrasa chalate hen.her sal haj per jate hen.mooh se pesa nahi mangte jo de do wo le lete hen.
    isi tarah ka aik or wakia bhi he.aik sahabjo ab hamare family friend ban chuke hen sari dunia me log unhen invite karte hen jab hamare city me ate hen to hamare ghar bhi kayam karte hen.un ko bhi me ne khud dekha he jadu nikalte.or wo khud shirt ko hath nahi lagate bohat door bethe rehte hen,darwaze khulwa dete hen.or koi surat parhne ko kehte hen or kuch khud bhi parhte hen.phir jis bande ki shirt ho use kehte hen ke apni shirt uthao or dekho kia he.or yakin karen us me jadu ki hui cheez a jati he.phir wo kehte hen ke kaho ke is cheez ko aag lag jae to aag lag jati he.jo qari sahab khud shirt ko jhatakte the un per to ham keh sakte hen ke ho sakta he asteen me kuch chupa rakha ho lekin yahan meri aqal kam nahi karti.mere sab family ka khasa eteqad he.or is ke lea mere father yeh kehte hen ke beta in sab ke lea aj ka mobile jawaz pesh karta he ye sab kam lehron ka he.jinat bhi hen or Allah ki esi makhlukat bhi jo hamen nazer nahi ati.meri bohat dafa behes hui is per lekin mera dil kabhi yakin karta he kabhi nahi karta.so still confused.
     
  9. yasminfarrukhzaad

    yasminfarrukhzaad New Member

    Shy ....
    aapne jo baten batain wo kisee bhi insan ke dimagh ko pareshan karne ke liye kafee hain ...
    jado ek haqeeqat hai ismen to kisee ko shak nahin hona chahiye ....lekin jis tarah se ye namnihad jadogar awam ko ullu banate hain ustarah na to jado hosakta hai aur na kiya jasakta ...kitnee ajeeb baat hai ki agaraap in logon ke pass jayenge to ye lazmi baat hai ki koi na koi taweezzaroor aapke kapdon men ya ghar ke kisee kone men nikal ayega .
    aapne jo do waqeyat bataye in donon men koi mushkil nahin ki hath ki safai na dikhai ja sake ....
    maine dekha hai ki ek baba ji apne hatheli men se rakh nikalte the ...lekin bad men pata chala ki umke kapdon men se cchipakar ek bareek nali un ki kalai tak aye hui the aur wo hath ki safayi se is tarah apna hath logon ke samne late the ki maloom hota tha ki ye rakh unki hatheli men se nikli hai ..
    bahar haal ...apne dekha hoga ki kuch log aamtaur per bilamuawiza is tarah ke kaam karte hain ...aur koi paisa nahin lete lekin ye ek bahut bada nafsiyatee nukta hai ....
    aam taur per un logon ke pass koi bhi jana pasand nahin karta jo paise mangte hain isliye logon ko tarah tarah ke bahane banane padte hain ...
    ab agar ek babaji aapse paise na len to aap samjhenge ki wo janab baghair kisee lalach ke ye kam karte hain ...aap un se mutassir honge aur phir aap unka ek tarah sechalta phirta ishtehar ban jayenge..

    Aapne dekha hogabahut se hafiz ,alim aur deendaar hazrat ye kam karte hain ...asal men ye log us izzat ka najayez fayeda ythate hain jo kisee alime deen ya hafiz ke liye hamare dil men hoti hai ....aur phir ye sab log bhi to insan hi hain yeh bhi gunah kar sakte hain ....
    aur in kamon men jo gunah hai wo kisee se chipa huanahin hai .....
    lekin main is per islamee nazariyat ko pesh karne se pahle kuch aur sochna chahtee hoon kiyonki mujhe is baat ka dar hai ki kahin yahan bhi bahasna shirooho jaye ...jiski wajah se jo ye thik thak bat horahi hai wo bhi hath sejaye..
     
  10. mansoorkkn

    mansoorkkn Moderator

  11. yasminfarrukhzaad

    yasminfarrukhzaad New Member

    hahaha bhai mansoor
    aap ko maaloom hona chahiye ki sacherin jo aam taur per log icecream ya qulfee wghairah men hota hai ..wo sugar (chini) se 200 guna metha hota hai aap usko hath men laga ker kisee biryanee ki badee se plate per bhi hath pher den to wo bhi meethi hojayegi ...
    aur han ye chiz fal bechne wale bhi istemal karte hain wo aapko wahin ek phal kat kardenge wo metha hoga lekin ghar aane per whohi pheeka lagega asal men unke chaqu men sacherin laga rahta hai jo fal ko metha kar deta hai .
    aur jo waqeya aapne bataya jo us ladke ke sath huawo bhi koi badee bat bahi
    abhi do maheene pahle mere ek cusine jo apnee dukan ka payment lene dosre shar gaye the unse 5000 rupaye kisee ne aisehi leliye kiseene unke mathe oer kuch lagaya tha aur unse paise mange unhone nikal kar dediye ...aur chale aye ..kuchdoor aane ke bad unhe samjh aya ki kiya hochuka hai uske baadkiya hona tha ...
    ye to aam see chizen hain aur ye chizen sirf baba log hi nahin jarayen pesha log bhi ikhteyar karte hain( waise is tarah logon ko lootne wale log bhi jarayem pesha hi hote hain )

    aur rahee ye bat ki log in ke chungul men kaise phans jate hain ...to uski bhi kai wujoohat hoti hain ..jaise
    #aaj kal har aadmee pareshan hai aur apnee preshanee ka jald se jald madava karna chatahai
    #kabhi kabhi pareshaniyan itnee badh jatee hain aur saree ummeden khatmn see hojatee hain ...to majbooree men wo in logon ke passjatee ha use ye yaqeen hota hai ki ye fraud hain lekin phir sochta hai ki sab jaghon per to dekh liya yahan bhi dekh lete hain ye masla badee beemariyon ke mamle men hota hai jab doctorsjawab dedete hain
    #aaj jab hum islam se door hain ,uski taleemat per dhyan nahin ,nahi jankaree hai to shaitan ko accha mauqa hai ki bahkaye aur hum asanee se bahak isliye jate hain kiyonki iman kamzor hai
    #maut ka dar hona lekin allah ke dar kana hona ..aur dar ke sath sath khuda naumeedi
    #muashire ka setup jo humen na chahte hue bhi ye sab kar jate hain

    ye hi saree bajahen hain jo insaan ko in logon ke chungul men fansaatee hain
     
  12. zindgee

    zindgee Well-Known Member

  13. shy

    shy New Member

    are is me ajeeb zehen ki kia bat jab achanak qari sb ne mujh se masla pucha to ab kuch to batana tha na lekin un ka kamal dekhen ke mamuli ser dard per bhi taweez baramad kar dala.wese in sab cheezon ko dekh ker me ye sochti hun ke ager wakai in sab baton me kuch haqeeqat he yani ye kala jadu waghera ya jinat ka kabu karna to kiun na sab alimon ko ikatha kia jae or un se ye request ki jae ke wo islam ke dushman bush or sheron per bohat sakht sa kala peela jadu karen ta ke wo moozi to halak hon na.is ke lea yakinan bohat se log un ko bohat sa pesa bhi de sakte hen.to he koi esa alim?qari?jaduger?phir ye ho ga ke aj jis ka thora sa hulia muslims wala he us per alqaida ka ilzam lag jata he tab bush jinaat ke piche bhi bhag raha ho ga ke alqaida ke jinat hen lolzzz
     
  14. only4lovers

    only4lovers New Member

  15. nasimshehzad

    nasimshehzad New Member

    Dosto Asalam-o-Aleykum
    yaar is tarha k kuchh shubday mujhay bhi aatay hain .
    tu kiya may bhi nauzubillah koi wali hogaya.
    1.may aap ko aik pathar dikha kar aap ko maroon ga .
    magar woh aap tak poohnchay ga naheen.
    2.may aap ko laal gulab k phool ko sufed kar k aur sufed ko laal kar k dikha doon ga.
    3.may aap ko soi ko pani par terta howa dikha doon ga.
    4.aap jis cheez ka kahen may aap ko usay bagher zaikay ka kar k dikha doon ga.
    5. may aap ko anday(egg) ko hawa may ura kar dikha sakta hoon.
    6. may aap ko kuchh der k liey colour blind bhi kar sakta hoon.
    Is k elawah bhi kafi kuchh kar sakta hoon magar ye sab science hi ke karnamay hain.
    aur jo log taweez gunday waghera k chakar may partay hain woh paison k sath sath
    eman ko bhi kharab kartay hain.

    <(_i_)) Huamain apnay hifz o aaman may rakhay
     
  16. zindgee

    zindgee Well-Known Member

  17. shy

    shy New Member

    ap log serf orton ko ilzam na den mard bhi is kam me peeche nahi hen asel bat ye he ke jab Allah per yaqeen mazboot ho ke hamre sare kam siwae Us zaat ke or koi nahi kar sakta to phir insan in baton per yakeen nahi karta.
     
  18. zaalim

    zaalim Premium Member

    jaadu kuch nahi hota. sab kuch science hai. jin bhi kam as kam hum ne to aaj tak nahi dekha. shayad jin dar ke maaray mere saamnay nahi aatay zaalim jo hoon.

    aur government ko chahiye ke aamilon ko ibrat-naak sazaayen de.
     
  19. nasimshehzad

    nasimshehzad New Member

    may INSHA ALLAH jald hi ye Cheezain urdupages par doon ga ta k jinhen naheen pata
    woh bhi samajh jain.

    w/asalam
     
  20. nasimshehzad

    nasimshehzad New Member

    :)
    Jee zubair bhai may jald hi aap logo ko urdupages par "Jadoo"
    sikhaoon ga.

    W/Asalam
     

Share This Page