Modern computer Laguages

Discussion in 'General Discussion' started by najamulzia, Nov 22, 2003.

  1. najamulzia

    najamulzia New Member

    AAJ hum dekhtey hein keh aaj kal kee software programming kee dunyaa mein kon konsee languages use kee jaatee hein. Neez yeh bhee keh unn ko kinn kinn maqaasid key lieyee istemaal kiaa jaata hey.Aur pakistan mein un koh kiss level per dekhaa jaata hey.

    C Language:

    C language ghaliban 1960s key qareeb create kee gayee thee. Jesaa keh aap log jantey hein keh UNIX operating system windows key muqabley mein aik bohat purraana operating system hey.C language isse operating system kee expected development ko mad-e-nazar rakh keh banayee gayee thee. C language aaee aur chaa gayee. iss nein raftaa raftaa markeet mein mojood doosree languages jesaa keh fortran( jo keh scientific programming keh lieye istemaal hotee thee wesey ab bhee kabhee kabhaar fortran kaa istemaal hotaa hey)aur cobol (jo keh banking applications mein istemaal hotee thee keh lieye) ke kaam bhee sanbhaal lieye aur system programming key lieye to yeh favouirite language thee hee. Iss se pehley system programming kaa ziaadaa ter kaaam Assembly language mein hee kiaa jaata thaa. Lekin C language nein aaa ker iss kaam kaa major portion apney sir ley liaa. Berher haal waqt guzarney keh saath saath c language kaa istemaal kem hotaa jaa rahaa hey lekin muqamal tor per khatam abhee bhee nahin huaa.

    C++

    Pehlee object oriented language small talk ko kehaa jaata hey. C++ language Bjarane Stroustrup sahib kee kaawish thee. unhon nein C languare key saarey ke saarey features c++ key under ikhtey ker dieye aur iss kee scientific,system programming kee support key features ko bhee barqraar rakhaa. Bus object oriented paradigm ko iss key under shaamil ker diaa.Jessa keh aap jantey hein keh object oriented tareeqa mein program ko design kernaa aru reuse kernaa nihaayat aasaan hei to C+ language nein bakhoobee iss baat ko support kiaa.

    C/C++ kaa Arooj

    C/C++ early nineties tak aik optimal aur almost perfect language kee hesiat ikhteyaar ker chukein thee. Inhun nein apney panjey taqreeban her qism kee computer programming fiel mein mazbootee se gaad lieye they. Aur lagtaa thaa key ab yeh aaindaa kyee salon tak dominate karein gee lekin aissa naa huaa. Aissa kyuon naa huaa iss per hum behs baad mein karein gey keh konsaa aisaa factor thaa jiss kee wajaah sey yeh donon behney "the only dominating language" key status sey hut gaien. Mazee baraan hum C aur C++ key istemaal per bhee baad mein ghor karein gey.

    Java

    java nein aaa ker nein dor kee aik bohat hee badhee zaroorat ko poora ker diaa. C aur C++ portable to zaroor thein lekin unn koh kissi doosrey operating system yaa phir machine per chalaaney se pehley thoree bohat tabdeelee kernaa pertee thee. Java key creators Sun nein aik logo diaa "Write once run every where" aur unn nein iss slogon ko pura bhee ker dikhaaya. Java nein apney virtual machine key concept ko use kertey hueye her operating system key lieye virtual maachines tyaa keen. Ab aapkaa code compile honey per machine code mein covert nahin hottaa thaa balkeh ab woh byte code mein convert hotaa thaa
    aur woh byte code her virtual machine key lieye understandable hotaa thaa. Ab aap kaa aik dafaa likhaa gyaa code virtually dunyaa keh kissee operating system per chal saktaa thaa. Java din badin maqbool honey lagee aur doosron key lieye khatraa banney lagee. Doosron sey meree muraad kiaa hey yeh aapko aagey jaa keh article mein pata lag jaye gaa.

    Visual Basic

    Jab aap yeh unwan padhein gey lanuages keh tehat to aap hansein gey keh haa haa haa visual basic ko kon language kehta hey. Jee haan yeh language nahin thee. Lekin aap jaantey hein keh windows key flavour duniaa mein sab sey ziaadaa istemaal hotey hein. Aur windows kee progeramming Visual Basic nein nihaayat aasaan ker dee thee. Windows kee aam desktop applications key lieye (programmer's most appropriate choice) kaa darjaa ikhteyaar kieye hueyee thee.


    Mojoodaa Soorat-e-Haal

    Mojoodaa soorat-e-haal yeh hey keh dunyaa desktop applications sey switch ker keh web based mobile appliations kee taraf jaa rahee hey. Java kee dominance in haalat mein aik laazmee amar thee. Jessa keh mein apney aik pichleye article mine zikar ker chukka huun jo keh dot net key mutaliq thaa keh java nein microsoft kee saakh ko aik dajkhaa puhnchaayaa thaa. Microsft kaa visual studio 6 yaa 2000 suite jo keh Vc++, Vb aur interdev kee support lieye huyee thaa. Pehley aik majbooree key tor per java ko bhe support kertaa rahaa thaa. Lekin microsoft virtually apney competitors ko hee support ker rahaa thaa badazan visual studio 2000 sey microsoft nein jaava kee supporrt ko nikaal bahar kiaa thaa.
    Java key web architecture J2EE key muqabley mein .net nikaalaa gyaa. Jiss mein java key bohat sey features copy kieye gaye hein.
    jesaa keh

    VB.net
    Microsoft nein bilaakhir VB.net ko aik full fledged language mein convert ker hee diaa hey. Ab iss keh under oop kaa structure bhee hey threading bhee hei aur bohat kuch jo keh aik modern computer language kaa khaaasa hota hey.

    Asp.net vs. jsp and servlets

    java kuch arsey server programming kee markeet mein asp ko maat kieye hueye thee lekin Asp.net waah kiaa devlopment hey. mein dot net platform per ziaadaa kaa to nahin kiaa lekin dot net nein web development ko bohat he rapid ker diaa hey aap chand ghenton kee mehnat sey aik server aur client side programming peh based site tyaa ker saktey hein jo keh pehley chand dinon mein bhee itnee behter naa tyaar ho saktee thee.

    c#(c-sharp)
    yeh language microsoft nein C++ aur java aur uss kee chaheete vb key mushartqaa features sey tyaar kee hey.Yeh bhee maqbooliat paa rahee hei magar utnee nahin jitnee asp.net aur vb.net ko haasil huee hey.

    j#(J-sharp)
    yeh bhee java ko compete kerney kee aik kosissh hey.Yeh dot net key version 2002 keh saat included naa thee balkeh yeh 2003 version keh saath shamil kee gayee hey.


    Aap ko konsee language use kernee chaheye

    Iss keh lieye chand factors zehan mein rakhney hon gey.
    1) Desired operating system jiss peh program chalnaa hey.
    2) Desired fucntionality
    3)Programmer kaa tajweez kerdaa language mein experience
    4)Language yaa phir tool kaa flexible aur development mein fast honaa.
    5) Language kaa aap kee desired functionality ko poora kerney kee salaahiat rakhnaa.

    Languages key lieye istemaal honey waley tools:

    Java key lieye behtreen Borland kaa jbuilder, kawa wagheraa hein.
    C/c++ key lieye jab aap seekhney jaa rahey hon to tc3.0 yaa phir borland c++3.1 behter rahey gaa. Jaisey aaj kel key haalaat hein to c++ ko pakistan key environment mein koi khaas ahmiat haasil nehin hey siwaye yeh keh iss ko aik yaa phir do courses key lieye introductory language key tor per istemaal kiaa jaataa hey.
    lekin agar aap windows kee depth mein reliable programming keh khwahishmand hon to aap vc++6 yaa phir borland c 5.02 yaa phir borland c++ builder yaa phir agar aap dot net key frame work keh tehat chalnaa chahtey hein to vc++.net use kerein
    Meree maaloomat keh mutabiq windows key tamaam version unix linux inn sab kee development mein major code jo keh system level kaa thaa woh c/c++ mein hee likhaa gyaa. DOS key ibtadee version assembly mein baney gaye. Ab bhee assembly chip aur system programming mein use hotee hey.Wesey windows kee programming key lieye yaanee keh dekstop development key lieye microsoft keh studio kee aksar languages istemaal ho saktee hein choice aap per hey.
    Yeh discussion lambee hotee jaa rahee hey. Bohat see languages jesa keh perl ,php, python kaa zikar nahin ker sakaa unn peh phir kabhee baat ho gee. Aap kee taraf se iss thread mein comments kaa muntazir rahoon gaa.
    Allah hafiz
     
  2. Admin

    Admin Administrator Staff Member

    Very nice. Agar ye post aap urdu mai type ker ke post kerte to perhne mai asani rehti. Keep it up.
     
  3. Yaseen

    Yaseen New Member

    Very Nice information Mr. Najam !
    Aap C++ kay barey main kafi jantey hain!
    Bohot achcha hoga kay aap urdu main C++ kay project wagera likhien! kay kaisay simple program banaye jatey hain!
    Yehi kaam aap kissi or language ko ley ker bhi ker saktey hain :) it will be Great effort :)
     
  4. najamulzia

    najamulzia New Member

    Inshaalah jab kabhee mujhe thoraa saa faltoo waqt miley gaa to mein urdu language mein saaree languages per articles post karoon gaa.
     
  5. Mubeen_javapro

    Mubeen_javapro New Member

    hi

    Najam aap ne buhat achi information share ke... iss ke lea shukrea.. mere pass java ke hawale se aik news hae jou chahoon ga isse thread main share karoon kiyon ke yeh topic isse hawale se chal raha hae.

    Sun Microsystems aik java ka aik naya version release kerne wala hae Java 1.5 jiss main kafi nae functionalities add kee hain jiss main TYPE CASTING, SWING LOADING ISSUES waghera bhi shammel hain. Neal Grafter (Author of java's Compiler), ke aik artical ke mutabik iss language ko aik naya naam bhi deen ge aur naam hoga TIGER yani ab JAVA aik nae naam TIGER ke saath release hoge aur yeh language possibly May 2004 main release hou. Aur web ke dunya main bhi Sun aik improvement ke saath aaya hae aur J2EE Specification ka aik naya version release kiya hae J2EE 1.4 jiss main Servlet 2.4, JSP 2.0, EJB 2.1 aur JSTL 1.1 jesse new versions release keye hain.
     
  6. chjakhan

    chjakhan New Member

    Najamulzia bhaee aur Mubeen_javapro Bhaee bohat shukriya .aap nay kafee information likhee hain.
    Nice work. keep it up.
     
  7. najamulzia

    najamulzia New Member

    Mubeen java key hawaley se maloomat share kerney kaa shukria!
     
  8. mwalam

    mwalam Super Moderator

    C 1972 main develop hoi thi. is sey pahley B language thi.
     
  9. mwalam

    mwalam Super Moderator

    Bhai aik baat main bata doon keh microsoft ko Visual Studio.net main bi acha khasa nuqsan hoa hai. wasey bi programers aab microsoft sey Linux ki taraf switch karna shaoo ho gaya hain. VB ka to vasey hi end a chooka hai.
     
  10. najamulzia

    najamulzia New Member

    agarcheh linux aur unix kaafee etbaar sey windows per bhari hein , linux java ko behter support kertaa hey .Yeh bhee theek hei keh programmers linux kee taraf move ho rahe hein lekin microsoft kaa influence abhee qaim hey.
    Aap yeh site check karein.
    http://www.rentacoder.com

    iss site per online projects dunia bher sey programmers kertey hein aur aap dekh saktey hein keh doosrey tamam tools sey ziadaa abhee bhee microsoft key tools per kaam ho rahaa hey kyunkeh woh easy to develop hein agarcheh security unn mein lack kertee hey.
     
  11. Asim

    Asim New Member

    Very Nice Artilce :)
     
  12. Mubeen_javapro

    Mubeen_javapro New Member

    hi

    Obvious se baat hae without Microsoft, aik programmer un-complete hae. Main JAVA takreeban 1999 se use ker raha hoon iss ke ilawa Sun Microsystems ke plateform per main ne J2EE per kaam kiya hae aur EJBs per kaam kiya hae lekin phir bhi main iss souch main hoon ke Microsoft's ke .NET plateform per bhi kaam karoon kiyon ke iss ke bhi kuch advantages hain jesse JAVA language aik programmer ko machine dependncy dete hae lekin dousre taraf JAVA ka program slow bhi run hota hae aur java ke program ko chalne ke lea JRE (Java Runtime Environment) ke bhi zaroorat hote hae, jubke iss ke mukable main C# ya VB.NET ka program machine depandant tou hae per wo Run kafi fast hota hae jubke iss depadancies ko hum aam tour bhi istemal ker rahe hote hain aap ne dekha hoga ke jess MSN ka koe version aaya ho tou CD per likha hota hae MSN for Windows 98 ya phir MSN for Windows XP kehne ka matlab hae ke programmer ko sirf aik code likhna hota hae aur wo code agar wo alg alg plateforms per compile ker le tou yeh depandancy wali preshani bhi dour hou sakte hae aur iss ke ilawa .NET microsoft ke her product ke saath integrate ho sakte hae VC++.NET main hum Low level Aceess achi tarah ker sakte hain yeh saari cheeze mill ker aik acha plateform provide ker rahe hain, wese kafi places per JAVA hot hae aur kafi places per .NET kehne ka maqsad yeh hae ke .NET ka plateform hou ya J2EE ka main samjhta hoon yeh aik programmer ke requirment per base kerta hae ke uss ko kiss plateform per programming kerne chaheye.

    I agree with u Mr. Najam abt the popularity of .NET.
     
  13. Quaid-e-Azam

    Quaid-e-Azam New Member

    Very Nice Artilce
     
  14. chjakhan

    chjakhan New Member

    fine discussion.keep it up.
     
  15. IrinaKasper

    IrinaKasper New Member

    Hello!
    This website has a large number of freelance projects for you to consider working on:
    XPlace. There are higher rates than on other online platforms for freelancers and no commission fee. I believe you could use such a valuable source (and your readers could benefit from it too!)
     

Share This Page