Tum Bin Jiya Jay Kyse .......gudda

Discussion in 'Urdu Adab & Shayeri' started by syed afaq jamal, Apr 28, 2004.

  1. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    Only Gudda

    Tum Bin Jiya Jay Kyse
    Kyse Jiya Jay Tum Bin
    Sadyon Se Lambi Hain Raatain
    Sadyon Se Lambe Howay Din
    Ajao Loot Ker Tum
    Yeh Dil Keh Raha Hey
    Phir Sham-e-tanhai Jagi
    Phir Yaad Tum Aa Rahy Ho
    Phir Jan Nikalne Lagi Hey
    Phir Mujh Ko Tarpa Rahe Ho
    Iss Dill Main Yadoon Ke Mayle Hain
    Tum Bin Bohot Hum Akyaly Hain
    Aajao Loot Ker Tum
    Yeh Dil Keh Raha Hey
    Kya Kya Na Socha Tha Mayne
    Kya Kya Na Sapny Sajae
    Kya Kya Na Chaha Tha Dil Ne
    Kya Kya Na Arman Jagae
    Kya Kya Na Arman Jagae
    Iss Dil Se Tufan Guzarte Hain
    Tum Bin To Jite Na Merte Hain
    Aajao Loot Ker Tum Yeh Dil Keh Raha Hey
    Aa Jao Loot Ker Tum
    Yeh Dil Keh Raha Hey
     
  2. mobin

    mobin Well-Known Member

    Sayed bhai App ne kamal kar diya yaar
    Ajj pheli baar app ka thraed read kiya
    Its very nice yaar
    keep it up
     
  3. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    Har dard ko gale lagaya tha hamnae,
    kya pata tha
    kya pata tha, yeh dard darde mastishk,
    darde jivan ban jayega,
    har dard ka nasha karna chaha tha humnae,
    kya pata tha,yeh nasha,
    yeh nasha darde jigar, darde rooh ban jayega.

    Dil ke paimane me dard itna bar jayega,
    mujhe kaha malum tha,
    ab to dard ki aadat si hone lagi hai,
    dard hi mera jivan ya kahe,
    mera jivan hi dard ban jayega, mujhe kaha malum tha.


    dil me josh tha kuchh kar gujar jane ka,
    ab to zindgi ik shraabban kar raih gayi hai,
    yeh sapna sirf dard ban kar raih jayega,
    mujhe kaha malum tha......!

    Ug-54.GIF
     
  4. mobin

    mobin Well-Known Member

    hmmmmmmmmmmmmmmmmmmmmmmmmmmm
    Gr8
     
  5. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    bhoolta kon hay
    waqt ke ghaao ko
    hijr k tuund toofan ki
    bay yaqeen lehr main
    wasl ki khwab ki doobti nao ko
    bhoolta kon hay?

    bhoolta kon hay
    apnay qatil k qatil khud o khaal ko
    dukh uthatay dinoan aur mah-o-saal ko
    bhoolta kon hay?

    bhoolta kon hay
    umr ki shaakh per khilnay walee
    uss ik awaleeen shaam ko
    bay subab jo laga hay uss ilzam ko
    phir tere naam ko
    bhoolta kon hay?

    Ug-53.GIF

    Ug-52.GIF
     
  6. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    har aik ghazal...
    jab shuro karti hoon
    tu uska pehla lafz
    khushi ke naam karti hoon
    magar jese jese...
    waqat guzarta hai
    lamheen beetee hain
    woh ghazal hanstee hanstee
    achanak ro dete hai
    aur dard main dhal jate hai
    khushi kaheen chup jate hai
    dukh ki lehar ati hai....
    dard ki mehak chahti hai
    meree har aik ghazal...!

    Ug-5.JPG
     
  7. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    Aansu jo beh rahey hein inhein behney do
    Yeh keh rahey hein dil ki baat, kehney do

    Buhat bawafa ho tum, yeh ham ko hai maloom
    Tum apni wafa ki baat, apney tak hi rehney do!

    Mila to kia mila tumhein chahney kay baad
    Bas dukh hi seh rahein hein, hamein sehney do

    Tum ney to keh dala sab haal-e-dil apna
    Ab mujh ko apni daastaan bhi kehney do

    Mar gaye auroon kay liye ham Sanaam~
    Tum apni khatir ham ko Zinda rehney do

    Ug-4.jpg
     
  8. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    Mei talkhi-e hayaat se ghabra ke pi gaya,
    Gham ki sayyah raat se ghabra ke pi gaya,
    Itni daqeeq shae koi kesse samajh sake,
    Yazdau ke vaqeat se ghabra ke pi gaya,
    Chalke hue they jaam pareshaan thi zulf-e-yaar
    Kuch aise haadsaat sey ghabra key pi gaya,
    Mei aadmi hou koi farishta nahi hazoor,
    Mei aaj apni zaat se ghabra ke pi gaya,
    Dunia-e hadsaat hai ik dardnaak geet,
    Dunia-e hadsaat se ghabra ke pi gaya,
    Kaante to khair kaante hai un sey gila hi kaya.
    Phoolou ki vaardaat sey ghabra key pi gaya,
    Saghir woh keh rahe they pi li giye hazoor,
    Un ki guzarshaat sey ghabra key pi gaya.!!!

    Ug-34.jpg
     
  9. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    Zindagi se badi Saza hi nahi
    Aur kya jurm hai Pata hi nahi

    Itne hisson mein butt gaya hoon main
    Mere hisse mein kucch bacha he nahi

    Sach ghate ya Bade to Sach na rahe
    Jooth ki koi inteha hee nahi

    Judd do chaandi mein chahe sone' mein
    Aaina jooth bolta hee nahi

    Ug-3.jpg
     
  10. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    Mere Jaise Ban Jao Ge jab ishq tumhein ho jaaye gaa
    diivaroon se sar Takaraaoge jab ishq tumhein ho jaaye gaa

    har baat gavaaraa kar loge mannat bhii utaaraa kar loge
    taveezein bhii bandhavaao ge jab ishq tumnhein ho jaaye gaa

    tanhaii ke jhuule khuuleinge har baat puraanii bhuleinge
    aaiine se tum ghabaraao ge jab ishq tumhein ho jaaye gaa

    jab suuraj bhii kho jaaye gaa aur chaand kahiin so jaaye gaa
    tum bhii ghar der se aaoge jab ishq tumhein ho jaaye gaa

    bechainii bard jaayegii aur yaad kisii kii aayegii
    tum merii Gazalein gaaoge jab ishq tumhein ho jaaye gaa

    Ug-28.jpg
     
  11. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    Ranjish hi sahi dil hi dukhane ke liye aa
    Aa phir se mujhe chor ke jaane ke liye aa.
    Pehle se maraasim na sahi phir bhi kabhi tou
    Rasm-e-rahe duniya hi nibhane ke liye aa.
    Kis kis ko batayen gey judae ka sabab ham
    Tu mujh se Khafaa hai tou zamaane ke liye aa.
    Kuch to mere pindaar-e-mohabbat ka bharam rakh
    Tu bhi to kabhii mujh ko manaane ke liye aa.
    Ik umr se hou lazzat-e-giriyaa se bhi mehroom
    Ae raahat-e-jaan mujh ko rulaane ke liye aa.
    Ab tak dil-e Khush feham ko tujh sey hai umeedein
    Yeh aakhiri shamein bhi bujhane ke liye aa.

    Ug-27.GIF
     
  12. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    Izhaar mohabbat ka karne se dar lagta hai
    tum se pyar karne se dar lagta hai
    badnam hone se dar lagta hai
    badnam hokar barbaad hone se dar lagta hai
    kaise kahoon haal apne dil ka
    zamane se dar lagta hai
    bhool jao tum mujh ko mil kar bichar jaane se dar lagta hai....

    tumhe bhoolna chahte hain
    phir kyon yaad aate ho
    jab se bichre ho
    aawaaz diye jaate ho
    talkhiyaa jamanebhar ki pilaa de mujhe
    kyon is tarah nazar andaaz kiye jaate ho.

    Naam sanso pe likha hai aapka
    Zindagi meri tohfa hai aapka
    Dil me dhadkan hai aapke naam ki
    Jaane kya rishta hai mera aapka

    Ug-22.jpg
     
  13. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    You kis tarah katey ga kari dhoop ka safar
    Sar pey khayal-e yaar ki chadar hi ley chalo


    Tere beghair kisi cheez ki kami to nahi lekin
    Tere beghair tabiat udaas rehti hai


    Kabhi kabhi teri yaadou key pursakoon lamhey
    Qasam Khuda ki bohat beqarar kartey hain


    Us key beghair aaj bohat ji udaas hai
    Jaalib chalo kahin sey usey dhoond laen ham

    Ug-18.jpg
     
  14. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    Tum merii aankh ke tevar na bhulaa paaoge
    ankahii baat ko samajhoge to yaad aauungaa

    hamne Khushiyon kii tarah dukh bhii ikat-tay dekhe
    safaah-e-ziist ko palaToge to yaad aauungaa

    isii andaaz mein hotay thay mukhaatib mujh se
    Khat kisii aur ko likho-gay to yaad aauungaa

    sard raaton ke mahakte huii sannnaaton mein
    jab kisii phuul ko chuumogay to yaad aauungaa

    ab teray ashk mein honton se churaa letaa huun
    haath se Khud inhein ponchhoge to yaad aauungaa

    shaal pahnaa-egaa ab kaun disambar mein tumhein
    baarishon mein kabhii bhiigogay to yaad aauungaa.

    aaj tuu mahafil-e-yaaraan pe ho magaruur bahut
    jab kabhii Tuut ke bikhrogay to yaad aauungaa.

    haadsay aayenge jiivan mein to tum hoke nidhaal
    kisii diivaar ko thaamogay to yaad aauungaa.

    is mein shaamil hai merii bakht kii taariikii bhii
    tum siyaah rang jo pahnogay to yaad aauungaa...

    Ug-14.jpg
     
  15. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    Dasht-e Tanhae mey aye jaan-e jahau larzaau hain
    Teri yaad key saaye teray hountou key saraab
    Dasht-e tanhae mey doori key khaso khaak taley
    Khil rahey hain teray pehloo key saman aur gulaab
    Uth rahi hai kahi qurbat sey teri saans ki aanch
    Apni khusboo mey sulagti hui madham madham
    Door ufaq par chamakti hui qatra qatra
    Gir rahi hai teri dildar-e nazar ki shabnam
    Is qadar payaar sey aye jaan-e jahau rakha hai
    Dil key rukhsaar pey is waqt teri yaad ney haath
    You gumaan hota hai agar-che hai abhi subah-e firaaq
    Dhal gaya hijar ka din bhi a gaye vasal ki raat.

    sirf-aik-larki.JPG
     
  16. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    Pyar ka behta dariya hoo lakien,
    millan sagar se door raha.
    Jane kasi kismat hai apni,
    Milkar bhi milne se majboor raha.
    Chahat ki ujli rahoo par bhi,
    Dil chahato se bhaut door raha.
    Teri judaie mein ae humsafar mera,
    Mera saya bhi mujse door raha.
    Haa yeh such hai berukhi ke kharo se,
    Mera dil ykeenan mehfooz raha.
    lakien yeh bhi such hai mera sanam,
    Teri pyar ki mehak se mehrum raha......."

    New-9.JPG
     
  17. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    "Aankhoon ka Rang Baat Ka Lahja Badal GAya"

    aankhon ka rang, baat ka lehja badal gaya
    woh shakhs aik shaam main kitna badal gaya

    kuch din to mera aks raha ayeena naqsh
    phir yoon huwa k khud mera chehra badal gaya

    jab apnay apnay haal pay ham tum na reh sakay
    to kiya huwaa jo ham say zamana badal gaya

    kadmon talay jo ret bichi thi woh chal pari
    us nay churaaya haath to sehra badal gaya

    koi bhi cheez apni jageh par nahin rahi
    jaatay hi aik shakhs kay kiya kiya badal gaya

    ik sarkhoshi ki moj nay kaisay kiya kamal
    wo be niaaz saara ka saara badal gaya

    uth kar chala gaya koi wakfay kay darmiaan
    parda utha to saara tamaasha badal gaya

    hairat say saaray lafz usay dekhtay rahay
    baaton main apni baat ko kaisay badal gaya

    kehnay ko ik sehan main deewar hi bani
    ghar ki fiza makaan ka naqsha hi badal gaya

    shaayad wafa kay khel main uktaa gaya tha woh
    manzil kay paas aakay jo rasta hi badal gaya

    qayem kisi bhi haal pay dunyaa nahin rahi
    tabeer kho gayee kabhi sapna badal gaya

    manzar ka rang asal main saaya tha rang ka
    jis nay usay jidhar say bhi dekha badal gaya

    andar kay mosaamon ki khabar us ko ho gayee
    us no bahaar naaz ka chehra badal gaya

    aankhon main jitnay ashaq thay jugnoo say ban gaye
    woh muskuraaya aur meri dunyaa badal gayee

    apni gali main apna hi ghar dhoondtay hain log jamal yeh kon shehar ka naqsha badal gaya

    New-7.JPG
     
  18. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    PYAR KO DEKHA

    Pyar se dosti ker ke dekha
    Pyar se mohabaat ker ke dekha
    Pyar ko chahat ki nazaaron se dekha
    Pyar ko ulfat bana ker dekha

    Na woh dosti hain na woh mohabaat
    Naa woh chahat hain na woh ulfat

    Pyar dillon ki dhardkan hain
    Shayar ki shayari kahein
    Pyar insaan ki dewaangi hain
    Kavi ki kavita kahein

    Pyar ibaadat hain
    Pyar hi inayaat hain
    Pyar se bandha hain her insaan
    Aur pyar se hain mehffoos yeh jahan

    Pyar ka na koi rang na koi roop hota
    Pyar ka na koi wajud hota
    Pyar ka na koi apna na paraya hota
    Pyar sirf pyar hi hota

    New-6.JPG
     
  19. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    kyon uskey halat badal gaye
    aur merey haal badal na sakey
    mujhko dekh kar pher liya chehra
    mujhsey mera haal pooch na sakey

    waqt tham kyon nahi gaya
    ki do pal hum tumhey dekh letey
    aur phir maut ruki hui hai kyon
    ki hum unke gum mein jinda rahey

    sab kuch banaya jisney
    kaun hai woh karismaii
    bebas insaan karey dua roz
    per usey dekh bhi na sakey

    Kyon karta hai woh phir yaad mujhey
    kyon aaj bhi likhta hai kagaz pe kuch
    kyon dooriyan aa gayee itni
    ki mujhey woh kagaz bhej bhi na sakey

    aur jub merey 'jism' ne
    usko diya hai vehshat ka ahsas
    tau koi ja kar poochey ussey
    kyon merey dil mein woh reh na sakey

    «•´¨*•.¸¸.*?~*syed afaq jamal*~?*.¸¸.•*¨`•»

    New-4.GIF
     
  20. syed afaq jamal

    syed afaq jamal New Member

    Tum Bin Jiya Jaaya Kaise.....gudda

    ONLY GUDDA

    kyon uskey halat badal gaye
    aur merey haal badal na sakey
    mujhko dekh kar pher liya chehra
    mujhsey mera haal pooch na sakey

    waqt tham kyon nahi gaya
    ki do pal hum tumhey dekh letey
    aur phir maut ruki hui hai kyon
    ki hum unke gum mein jinda rahey

    sab kuch banaya jisney
    kaun hai woh karismaii
    bebas insaan karey dua roz
    per usey dekh bhi na sakey

    Kyon karta hai woh phir yaad mujhey
    kyon aaj bhi likhta hai kagaz pe kuch
    kyon dooriyan aa gayee itni
    ki mujhey woh kagaz bhej bhi na sakey

    aur jub merey 'jism' ne
    usko diya hai vehshat ka ahsas
    tau koi ja kar poochey ussey
    kyon merey dil mein woh reh na sakey

    «•´`•.(*•.¸(`•.¸ ¸.•´)¸.•*).•´`•»
    «•´¨*•.¸¸.*?~*afaq*~?*.¸¸.•*¨`•»
    «•´`•.(¸.•´(¸.•* *•.¸)`•.¸).•´`•»

    New-37.JPG
     

Share This Page